Terîqu’n-Necat, kitêbeke eqîdeyê ya mewzûn e, ku ji hêla Mela Haşimê Miksî (1750-1850) hatiye telîfkirin. Wî, ev kitêb ji bo zarokan nivîsiye.
Pênc ruknên Îslamê, şeş ruknên îmanê û hin mijarên kelamî û fiqhî tê de bi kurtî kom kirine.
Gava meriv bala xwe dide uslûb û naveroka kitêbê, tê dîtin ew, wek nezîre û teqlîd li ber Nehcul-Enama Mela Xelîlê Sêrtî hatiye nivîsîn. Kitêb ji pênc beşan pêk hatiye.
Destpêk, ruknê Îslamê, dua, ruknê îmanê û dawî. Berhem 330 beyt in.