Maden di, ma zerreyê keyeyî di sey xo (zazakî/kirdkî) qalî kerdênê, labelê teber di hinîya zaf tirkî... Maden tikê zî yew cayo kozmopolît bi û çend heway ra dewlemend bi; hetê tewir, tewir mêrdiman ra, hetê îtîkatî ra, dînî ra, zan û kulturî ra… Û hetê ekonomî ra zî dewlemend hesibyaynê… Mesela, fabrika xo bî, fabrîkaya baxirî, kromî, cewherî. Wextê gedeyîya mi di nizdîyê hîrê hinzarî mêrdimî tede xebitîyaynê. Zanîyeno, normalê xo di hetê cografyaya ma ra mêrdimî, seba xebati şîynê hetê şaharanê rojawanî Îstanbul, Ankara, Îzmir ûêb. Eyla Maden anasar yew ca bi ki, epeyî şar hetê rojawanî ra seba xebati ameynê weyra.