Şev tarî bû

Şev tarî bû, ketim xewê
Dengek ji kurahîya şevê
Di got rabe ey dildaro
Wa ez hatim yara demê

Bi xêr hatî yara demê
Ne gerîne li min şevê
Ger ti rastî, ne derewî
De keremke were cemê

Kûro zanim ti dildarî
Evîndarê bêjna yarî
Şevên tarî pir dirêjin
Hinek bikin kêf û yarî

Ser gotina yara demê
Wê ramîsim ji keremê
Dest gerîyan ser gerdenê
Derket dîse xewna şevê

Şev tarî bû, şev tarî bû
Yara demê şev tarî bû
Xewn û xeyala bi te re
Bi min leyîst bi derewê.