Don Kîşot hûn nas dikin, ew karakterê romanê yê rih zirav û dirêj. Hinde romanên şovalyeyan xwendiye û di bin tesîra van romanan de ew jî xwestiye bibe şovalyek. Don Kîşot ji Dulcinea del Tobosoyê hez dike. Hespekî Don Kişot yê wek wî qels û zeîf bi navê Rocinante heye.
Ew gelek caran bi seyîs, alîkar û hogirê xwe Sanço Panza re nîqaşan dike.
Belê ev şovalyeyê extiyar û evîndar ku aşên bi bayê dişûxile re şer dike, pêş qehremanê romana ji aliyê Cervantes ve hatiye nivîsandin e.
Gava hûn vê romana Don Kişot bixwinîn ku bi milyonan xwendavanên vê romanê li cîhanê hene, di nava wan çîrokên herikbar, ji aqildûr û kelecaniyê de hûnê jî xwe şerê li hember aşên bayê bibînin.
Ji bo ispatkirina evîna xwe ya bi navê Dulcinea del Tobosso, Don Kîşot  bi hespê xwe Rocinante û xulamê xwe Sancho Panza re dikeve nava şerên li hember aşên bayê û serpêhatiyên ecêb ser de dibore. Qehremaniyên Don Kîşot yên ji aqildûr wê we bibe cîhaneke din.
Ev şahesera edebiyata Spanî, ku beşa wê ya yekem di sala 1605an de hatiye çapkirin, di edebiyatê de destpêka cerebê romanê tê hesibandin û ji çapbûna xwe heya roja me bi gelek zimanan hatiye wergerandin û çapkirin.
Don Kîşot yek ji wan pirtûkan e ku her kesê ku “xwendevan” be lazim e bixwîne. Bi gotineke din yên ku Don Kîşot nexwendibe, wekî “xwendevan” nayê hesibandin.